Öz Мақалада аграрлық сектордың тиімділігін арттыруда ауылдың әлеуметтік инфрақұрылымының маңызы және оны жетілдірудің өзекті мәселелері зерттелген. Ауылдық жерлерде әлеуметтік инфрақұрылымның салалары ең ірі, әрі еңбекті көп қажет ететін кешен болып табылатындылығы мен елдің әлеуметтік жағдайы мен даму болашағы онымен тығыз байланысты екендігі ашып көрсетілген. Сондықтан мемлекетте ауыл экономикасын реформалау барысында алдымен инфрақұрылымды дамытуға басым бағыт берілетіндігі дәлелденген. Өндірістік инфрақұрылымды құрудың түрлі кезеңдерінің өндірістік үдерістің дамуына да түрлі әсері болатыны белгілі. Өндіріс қалай дамыса, оның инфрақұрылымы да соған сәйкес ілгері басуы тиіс. Олар бір-біріне баламалы сипат алуы, еліміздің аграрлық секторы экономикасының ырғақты дамуы үшін өндірілген өнімнің көлемі ғана емес, ауылдың инфрақұрылымдық салаларын дамыту да өзекті екендігі қарастырылған.