KURTE Ev xebat, li herêma Dêrika navçeya Mêrdîn, bi navê xwe yê din Dêrika Çîyayê Mazî, li ser navê jîngeh û teşeyên erdnîgariyê (toponym) hatîye çêkirin. Wek lêkolîneke onomastîk me li navê Dêrikê, kuçe û kolanên wê, navê gundên wê û navê teşeyên erdnigarî yên li herêma Dêrikê nêrî bê ka ev nav çawa çêbûne û li gor çi hatine danîn. Ji bo tomarkirina hemî cûreyên navê teşeyên erdnigarî em li navenda Dêrikê û 173 gundên wê gerîyan û dûv ra me ev navên tomarkirî li gor taybetmendîyên çêbûna wan tesnîf kirin û nirxandin. Me navên kurmancî, navên bi zimanên din û navên binyada wan ne diyar ji hev veqetandin.