Edebiyatê klasik ê Zazaki dı esero verin serra 1899 dı bı destê Ehmedê Xasi ameyo nuştış. O tarix ra heta eyro ıno edebiyat dı zaf eseri niameyi nuştış u ıno ware dı hema zi eseri neweyi yeni nuştış. Edebiyatê klasik ê Zazaki dı goreyê tesbitan heta eka new diwani, panc mulemmayi, new mewlidi, çar siyeri, çar eqaidnameyi, mesnewiyêk, dı fıkıhnameyi u çend mersiye zi esti. Ina xebatê ma ıni eseranê klasikan ra kıtabê Diwanê Arçugi ê Mela Faruq Baynali sera yo tehlil o. Ino eser, miyanê eseranê klasikan dı yo kıtabo newe yo. Qasê çarçewayê xebat ıno diwan hetê şeklê nazımi, muhtewa, qafiyeyan u senetan ra tehlil beno. Diwanê Arçugi dı 190 beyiti, 227 çarbendi u çarrêzi esti.