Seserra 19in semedê kurdan yew zemano kritik o. Derheqê kurdan de gelek qerarê giran ameyê girewtiş û cuya înan a sîyasî bê waştişê înan tayin bîya. Coka biyayişê nê zemanî ganî hetê kurdan ra bêrê wekerdiş/tehlîlkerdiş. Semedo ke hemê xebatan de nê biyayîşî hete hakiman ameyê tefsir kerdiş û têna serkewtişê înan ra behs bîyo, zafê xususîyetê bîyayîşan nimtik mendî. Gelo tarîx zî bi xo semede meşrukerdîş û paştdayîşê hakîman nêameyo viraştiş? Seke yeno zanayîş tarîx yew şere de têna serkewtoxan ra behs keno û pesnê înan dano. Na xebate de kîtabê Ahmet Kardam “Cizre-Bohtan Beyi Bedirhan: Direniş ve İsyan Yılları” ke zerre ra û terefê kurdan ra ameya kerdiş, ameyo dasinaşnayîş.