Ferhenga Têgehên Felsefî jî di qada felsefeyê da ji bo kurdiya kurmancî bi armanca pêşwazîkirina kêmasîyeke mezin a qadê bi piştgirîya Zaningeha Mardîn Artûklûyê, ji aliye pisporên felsefê û zimanzanîyê ve di bin edîtoriya M.Nesîm Doru, di nav Weşanxaneya Lîsê da hatîye amadekirin. Wekû tê zanîn li Tirkiyê kurdiya kurmancî, demekê dirêj zêdehî di nav tekiliyên rojane da dihate bikaranîn, lê paşî bi zêdebûna bajarîbûn û hin derfetên sazî (komel, enstîtû hwd.) kurdî, gihişte asteke akademîk û xweliya li ser xwe rakir û hêj jî radike. Ferhenga ku em niha behsa wê dikin jî ji bo vejîna kurmanciyê ku xwe bigehîne nav zimanên hevdem yên şaristaniyê dibe wesîleyeka baş. Her çiqas di kurdîya kurmancî da hin berhemên felsefeyê hatibine weşandin jî, wek ferheng ev xebat, di qada xwe da yekêmîn berhem e. Ji ber vê jî pêngaveke bêhempa ye.