Garbcılarımızın bünyân-ı ictimâîmizi temelinden sarsmak isti’dâdını gös-teren gâyelerinden biri de malûm olduğu vecihle ‘hürriyet-i nisvân’ dır. Bu münâsebetle Ziya Gökalp Bey, Türkçülüğün Esâsları unvanıyla neş-retdiği eserin dördüncü mebhasında âtîdeki mütâlaâtı ityân etmekdedir:“Hukûkî Türkçülüğün üçüncü gâyesi de bir (asrî âile) vücûda getir-mekdir. Asrî devletdeki müsâvât umdesi, erkekle kadının nikahda, ta-lakda, mîrâsda, meslekî ve siyasî haklarda müsâvî olmasını da istilzâm eder. O halde yeni âile kanunu ile intihâbât kanunu bu esâsa istinâden yapılmalıdır.” Bu mütâlaâtı biz biraz daha tavzîh edelim. Şimdiye kadar gerek matbûâtda, gerek muhtelif vesilelerle tekerrür etmekde olan neşriyâta na-zaran hayat-ı ictimâîmizde ev kadını teveccühüne kesb-i liyâkat eden Müslüman kadını mazlûm ve esîr bir kitle olarak telakki edilmekdedir.